Xasan Dahir Aweys: Dowladi hore iyo tan cusub waa Eey iyo meel uu ka kacay (Dhageyso)

Sheekh Xasan Daahir Aweys oo ka mid ah saraakiisha Al Shabaab ayaa ku tilmaamay dowladi KMG aheyd ee waqtigeedu dhamaaday iyo tan cusub ee hada la filayo in ay la mid yihiin Eey iyo meel uu ka kacay.

Wareysi uu siiyey idaacada ku hadasho codka Al Shabab ee Andalus, ayuu ku sheegay Xasan Daahir Aweys in Al shabab uusan waxba ka galin dowlada cusub balse ay la dagaalami doonaan.

Mar uu ka hadlayey kartida dadka madaxda ka noqon doono dowlada cusub, ayuu ku sheegay in dalalka reer Galbeedka ay keeni doonana qof aanan wadani aheyn oo iyaga daacad u ah, isla markaana ay eryi doonaan inta dooneyso Soomaalinimada.

“Anaga wax naga quseeya oo nimankaas waxa kasoo baxaya iyo ninku kusoo baxaya iyo raganimada uu leeyahay wax naga quseeya ma lahan, nin kasta oo ay ku tuhmayaan wadanimo way diidayaan, waxay rabaan dadka iyaga daacada u ah oo ay taangiyadooda ku ilaashanayaan,” ayuu yiri.

Wareysiga Sh. Xasan Dahir oo Dhameystiran Dhageyso 

[powerpress: url=”https://midnimo.comm/wp-content/uploads/2012/08/shxasandahir1.mp3″]

Waa marki ugu horeysay oo ay Al Shabaab ka hadlaan Dowlada cusub ee dhawaan la rajeynayo in ay u dhalta Soomaaliya.

Xafiiska Wararka Midnimo, webmaster@midnimo.com
midnimo12@googlemail.com.  

LEAVE A REPLY

Please enter your comment!
Please enter your name here