Wareegto Ka Soo Baxday Xafiiska Madaxweynaha Oo Dagmooyin Loogu Aqoonsaday

Wareegto ka soo baxday xafiiska Madaxweynaha Soomaaliya ayaa waxaa dagmooyin loogu aqoonsaday deegaanno ka tirsan gobollada Hiiraan iyo Shabeelada Dhexe.

Digreetada ka soo baxday xafiiska Madaxweynaha Soomaaliya Mudane Shariif Sheekh Axmed ayaa waxaa dagmo loogu aqoonsaday deegaanka Jameeca Jilyaale oo ka tirsan gobolka Shabeelaha Dhexe laga bilaabo 16 febraayo sanadkan 2012.

Sidoo kale waxaa dagmo buuxda loo aqoonsaday deegaanka Shaw oo ka tirsan Gobolka Hiiraan laga bilaabo taariikhda marka ay aheyd 30 june sanadkan 2012.

ugu dambeyntii waxaa dagmo loo aqoondasay deegaanka Gamboole oo ka tirsan gobolka Shabeelada Dhexe laga bilaabo taariikhda marka ay aheyd 30 june sanadkan 2012.

Dhanka kale Wasaaradda arrimaha gudaha iyo amaanka qaranka ayaa ugu baaqday hay’adaha dowliga ah in ay dhameystiraan waxyaabaha ay u baahantahay dagmo waliba si loo hormariyo kaabayaasha dhaqaale, amaanka cadaalada iyo waxyaabaha ay u baahanyihiin bulshada ku nool dagmooyinkaas.

Xafiiska Wararka Midnimo, webmaster@midnimo.com

Midnimo12@googlemail.com

LEAVE A REPLY

Please enter your comment!
Please enter your name here