Suxufiyiinta Soomaaliyeed oo u Diyaar Garoobay in Weriye Cabdicasiis Koronto ku Difaacaan Sharciga Hortiisa oo la Filayo in Dhowaan Maxkamad la Horkeeno

Ururka Qaran ee Suxufiyiinta Soomaaliyeed ayaa walaac ka muujiyay  muddo kordhinta la siiyay booliska ee u fasaxeysa in ay ku haayaan  xabsiga ilaa Isniinta dambe oo ay bishu ku beegan ahay 21 Janaayo  2013, lana filayo in dhegeysiga dacwadiisa bilaabato 22 Bishan.

Masuuliyiinta NUSOJ oo ay garab taagan yihiin Suxufiyiinta  Soomaaliyeed ayaa ku soo xaadiray xarunta Maxkamadda, iyadoo la  filayay in Weriye Cabdicasiis Cabdinuur Ibrahim (Cabdicasiis Koronto)  in la keeno maxkamada maanta oo ahayd Khamiis 17 Janaayo, 2013, balse  dib loo dhigay muddo 5 cisho ah oo ku eg maalinimada Isniinta ee soo  socota, iyadoo la filayo in dhegeysiga dacwadiisa ay bilaabato  maalinimada Talaadada.

Weriye Cabdicasiis Koronto oo u kala shaqeynayay idaacadaha Dalsan iyo  Ergo ayaa ciidamada Booliska gacanta ku dhigeen maalinimadii Khamiista  ee 10 Janaayo, 2013, ayaa loo heystaa in uu wareystay gabar sheegtay  inay kufsadeen ciidamada dowladda. Weriyaha ayaa loo  qabtay qareen  dhinaca sharciga ku difaaci doona. Ururka Qaran ee Suxufiyiinta  Soomaaliyeed iyo suxufiyiinta oo idil waxa ay hayaan caddeymo ku filan  oo ay maxkamada horteeda kaga difaacaan weriyaha.

“Waxaanu heynaa caddeymo ku filan oo aan weriyaha kaga difaacno maxkamadda Horteeda” sidaa waxaa yiri Maxamed Ibrahim (Bakistaan)  Xoghayaha Guud ee Ururka Qaran ee Suxufiyiinta Soomaaliyeed, “Waxaan  ku kalsoonahay in cadaalad la wada helo, Cabdicasiis Korontana wax  shaqo ah oo uu ku leeyahay ma jirto eedeynta loo heysto ee la xiriirta  warbixinta Aljazeera, waana heynaa cadeymo u filan.”

Ururka Qaran ee Suxufiyiinta Soomaaliyeed ayaa ugu baaqay  masuuliyiinta dowladda inay ogolaadaan in la dhaliili karo, una   qaataan dhaliilaha wax dhisaya kuwo kaabaya shaqada shacabka u hayaan,  balse aanay u qaadan kuwo wax duminaya. Sidoo kale, Ururka Qaran ee Suxufiyiinta Soomaaliyeed waxa uu ugu baaqayaa in suxufiyiintu ka  fogaadaan wax walba oo khalad sharci ah ku keeni kara, isla markaana  hubiyaan waxa ay doonayaan inay ka sii daayaan warbaahinta,  iyadoo  markaas ay ururka aanay u heli doonin fursad uu ku difaaco weriyaha  khaladka galay. Waxaa kaloo ururka cadeynayaa in suxufigii laga  khaldan yahay ay ka go’an tahay, waajibna ku tahay in uu ku difaaco  sidii xuquuqdiisa loo heli lahaa.

<Dhamaad>

Xafiiska Wararka Midnimo, webmaster@midnimo.com

midnimo12@googlemail.com

LEAVE A REPLY

Please enter your comment!
Please enter your name here