Safiirka Maraykanka ee Soomaaliya oo si rasmi ah loo Dhaariyay

Safiirka cusub ee Mareeykanka u fadhin doona Soomaaliya Stephen Schwartz
Safiirka cusub ee Mareeykanka u fadhin doona Soomaaliya Stephen Schwartz

Dowladda Maraykanka ayaa Somalia u diraysa safiirkeedii u horreeyay muddo 25 sano ah. Safiirkan oo lagu magacaabo Stephen Schwartz ayaa shalay lagu dhaariyay magaalada Washington, kadib markii aqalka Senate-kuu uu bishii May anixisiyay.

Kuxigeenka kaaliyaha XAD Maraykanka Anthony Blinken, ayaa xafladii dhaarta safiirka Maraykanka ee Somalia wuxuu ka sheegay in Somalia ay horumar sameysay balse ay wali jiraan caqabaddo dhinacyada siyaasadda, dadaallada xasilinta iyo waliba caqabadaha dhinaca dib u kabashada dhaqaalaha iyo dagaalka Somalia kula jirto argagixisada”

Safiirka Maraykanka ee Somalia, Stephen Schwartz oo isna hadal jeediyay ayaa sheegay in in-kasta oo Somalia ay gacan ka heshay ciidamada Midowga Afrika, balse loo baahan yahay abuurista ciidan Somalia ah oo al-Shabaab ka adkaada”

Wuxuu yiri “Waxaa imika la joogaa wakhtigii ay mas’uuliyiinta Soomaaliya ay abuuri lahaayee ciidamo qaran oo Soomaali ah oo waxtar leh, jawaabna bixin kara, si ay uga adkaadaan al-Shabaab sidoo kale u mideeyaan dalka.”

LEAVE A REPLY

Please enter your comment!
Please enter your name here