Ra’iisul Saacid Oo qeexay Siyaasada Xukuumadiisa Kaga Aadan Puntland iyo Somaliland

Ra’iisulwasaaraha Xukuumadda Soomaaliya Cabdi Faarax Shirdoon, oo maanta kahor hadlayay golaha shacabka baarlamaanka kadib ansixintii wasiirada dhinaay, ayaa sheegay in xukuumadda uu hogaamiyo ay maalmaha soo aadan wafdi heersare ah udiri doonto maamul goboledka Puntland.

Ra’iisulwasaaraha oo dhinacyo badan kahadlayay ayaa sheegay in Xukuumadiisu ay ku dadaaleeyso fidinta maamulada, islamarkaasna xukuumadda ay masuul katahay dhamaan gobolada dalka laakiin ay qadarinayaan dadka daga ama ku nool deegaanka.

Raysul wasaaraha ayaa baarlamaanka u sheegay in waqti dhow wafdi wasiirro ah uu u diri doono gobollada dhexe ee dalka.

“Dhowaan waxaanu diri doonaa wafdi ballaaran, oo nalaka sugaayo gobolada dhexe. Duruufta awgood way noqotey inaan daahno laakiin waanu degdegeynaa.” ayuu yiri raysul wasaaraha.

Sidoo kale RW ayaa sheegay in ay wafdi udiri doonaan magalada Garowe ee xaruunta maamulka Puntland, oo hada ay kajiraan Xiisado siyaasadeed islamarkaasna ku aadan mudo kororsiga Madaxwewyne Faroole

Wadahadalada Somaliland muxuu ka yiri?

Ra’iisulo wasaare Saacid, ayaa sidoo kale waxa uu soo hadalqaaday wadahadaladii udhaxeeyay doowlada Soomaaliya iyo maamulka Somaliland, RW ayaa sheegay in halkooda laga sii wadi doono wadahadaladaas.

“Wadahadalkii Somaliland iyo anaga noo dhexeeyay waanu sii wadeynaa, waxaanu rajeyneynaa inaanu ka Gaarno waxaan ka fileyno oo aad ugu rajoweynahay oo ah midnimada Soomaaliya.” ayuu yiri raysul wasaaraha

Hadalka Ra’iisulwasaaraha ayaa imaanaya xili uu maanta baarlamaanka uga mahad celinayay sida ay codka kalsoonida usiiyeen wasiiro ku xigeenadii uu maalmo kahor magacaabay.