Puntland oo sheegtay in uu socdo mooshin lagu damacsan yahay xilka in loo qaado Raysal wasaare Saacid

Maamulka Puntland ayaa sheegay in ay heleen warar sheegaya in magaalada Muqdisho iyo meelo ka mid ah dalka ay ka socdaan qorshe lagu doonayo in xilka loo qaado ra’iisal wasaaraha xukuumada Soomaaliya Cabdifaarax Shirdoon Saacid.

Haddaba Puntland oo arintaas kaa duulan tageysa waxa ay galabta soo saartay Warsaxafadeed ay ku qoran arrimo badan oo uu ka mid yahay mooshin ka dhan ah ra’iisal waasaaraha

War-saxaafadeedka maamulka Puntland ka soo baxay ayaa sidan u qornaa:-

Dowladda Puntland ayaa si weyn uga digaysa soo cusboonaysiinta isqabqabsiga siyaasadeed ee Hey’adaha Dowladda Federaalka Soomaaliya,waxaana jira koox Xildhibaano ah oo wadda mooshin ka soo horjeeda Rai’sul wasaaraha Federaalka oo xilliga uu magacaaban yahay dhan yahay muddo7-bilood ah, Dr. Cabdi Farax Shirdon (Saacid).

Iskudaygaan ayaa dhuminaya wakhti, dhaqaale, iyo dadaalkii wadajirka ahaa ee Soomaalida iyo Beesha Caalamka ay geliyeen in la dhiso Hey’daha cusub ee Dowladda Federaalka Soomaaliya.

Xilligii Dowladdii Federaalka ee KMG ahayd waxaa hareereeyey isqabqabsi siyaasadeed oo curyaamiyey awoodii Dowladdu ay ku fulin lahayd waajibaadkeedii, ayna u gaarsiin lahayd adeegga bulshada muwaadiniinta Soomaaliyeed.

Dowladda Puntland ayaa aaminsan in dano gaar ahaaneed oo ku wajahan helida xafiis siyaaseed ay ka dambayso tallaabadan, waxayna Puntland ugu baaqaysaa Hey’adaha Federaalka Soomaaliya inay ku mashquulaan hirgelinta howlaha Qaran, sida maaraynta caqabadaha dhaqaale oo dalka gudahiisa ka jira, xal u helida faragelintii lagu sameeyey Dastuurka Federaalka, ka shaqaynta amniga, iyo taageeridda dhisida Maamullada.

Xafiiska Wararka Midnimo, webmaster@midnimo.com

midnimo12@googlemail.com

LEAVE A REPLY

Please enter your comment!
Please enter your name here