Mareeykanka oo sheegtay ineey duqeyn ku dileen Sarkaal al-shabaab katirsan

Daacish iyo shabaab oo dagaalamay
Daacish iyo shabaab oo dagaalamay

Mareykanka, ayaa faah faahin ka bixiyay duqayn dhinaca cir ah oo 26-kii bishan ka dhacday deegaanka Kaamjaroom, oo 90km dhinaca waqooyi kaga toosan Magaalada Kismaayo ee Xarunta Gobolka Jubbada Hoose.

Taliska Ciidamada Mareykanka ee Afrika, ayaa War Saxaafadeed ku sheegay in duqayntaasi ay ahayd mid is difaacid ah, ka dib markii ay Shabaabku soo weerareen goob ay ku sugnaayen Ciidamada Dowladda Somaliya iyo la taliye-yaal Mareykan ah, oo ku sugnaa bannaanka Kaamjaroom.

War Saxaafadeedka, ayaa waxaa lagu sheegay in duqayntaasi lagu dilay afar ka mid ah Saraakiisha Al Shabaab, kuwaa oo uu ka mid ahaa Bashiir Cali Jaamac (Bashiir Dheere).

Mareykanka, ayaa sheegay in Bashiir Dheere uu ahaan jiray Taliye Ku Xigeenka Ururka Al Shabaab ee Gobolka Jubbada Hoose.

Dhinaca kale ma jirto wax war ah oo ka soo baxay dhinaca Ururka Al Shabaab. Shabaab loogama baran inay horey uga hadlaan weerarada cirka, kolka lala beegsado Saraakiishooda.

LEAVE A REPLY

Please enter your comment!
Please enter your name here