Mahiga: Odayaasha dhaqanka way u dhamaayeen shirka

Ergeyga gaarka ee Xoghaya Guud ee Qaramada Midoobey Augustin Mahiga ayaa sheegey in shirka shalay ka furmey ee golaha ansixinta destuurka ay ka qeyb-galayaan dhamaan dhinacyada Somalia.

Mahiga waxaa uu beeniyey in Qaramada Midoobey ay isku dayeysa in madaxda qaar ay ka hor-istaagto inay u tartamaan jagada madaxtinimo.

Mahiga oo wareeysigan siiyay laanta Af-soomaaliga ee BBC-da ayaa ugu horreyn la weydiiyey in uu faa-faahin ka bixiyo shirka maanta furmey ee lagu ansixinaayo destuurka.

Mahiga waxa uu sheegay Shirkani uu kamid yahay tallaabooyinka ugu dambeeya ee lagu soo afjarayo xilliga kumeel gaarka ee Somalia. “Waa talaabo ay ku shiarayaan dad mathalayo shcabka Soomaaliyeed oo ka gala yimid gobollada kala duwan ee dalka. Howsha ay qaban doonaan guddigani sagaalka beri ee soo socda aya ah inay ansixiyaan destuurka Somalia”.

Sidoo kale Mahiga waxaa la weydiiyay: Waxaa soo harey mudo hal bil oo kaliye si loo soo doorto xildhibaano, guddoomiye baarlamaan iyo madaxweyne, iyo welibo in la ansixiyo destuurka. Mudadaasi ma ku filantahay howshaasi tirada badan?

Mahiga waxa uu ku jawaabay: “Lixdii bilood ee ugu dambeysey waxaan kordhiney dadaalka aan ugu jirno in aan soo afjarno howshan destuurka. Guddigan sagaal maalmood gudaheed ayaa lagu doonayaa in uu ugu codeeyo destuurka cusub. Waxaana la filayaa in 2-da August lagu dhawaaqi doono baarlamaanka cusub. Mudanayaasha baarlamaankana waxaa soo xuli doono oday dhaqameedyada joogey halkan Muqdisho laba bilood iyo barkii ugu dambeeyey”.

Su’aashi 2-aad ee laweydiiyay ayaay ahayd sidan: Ma jiraan wararka sheegaya in khilaaf uu ka dhaxeeya madaxda Somalia oo Qaramada Midoobey-na ay la dhinac martey qaar kamid ah madaxdaasi, oo welibo isaga shakhsi ahaan uu ku dadaalayo in madaxda qaarkeed laga hor-istaago tartanka madaxtinimo?

Waxa uu ku jawaabay “Howsheena waxay tahay in aan Somalida caawino, oo aan hubsano inaan meesha jirta fursad u suura-gelineysa in dhamaan dadka ay ku tartamaan iyadoo aanay jirin wax caqabad ah. Waxaa dhab ah in qaar kamid ah madaxda haatan joogo ay doonayaan inay u tartamaan jagada madaxtinimo, lakin Qaramada Midoobey ahaan waxaan dooneynaa in dadka ku cusb tartanka ay iyaguna helaan fursad ay ugu tartami karaanm. Ma jirto sabab ay Qaramada Midoobey u adeegsato is badelkani si aan dadka qaar u horistaagno. Waxaan dooneynaa oo kaliye doorashooyin xur ah oo si cadaalad ah u dhaca”.

Ugu danbeynti Mahiga waxaa la su’aalay: Somali badan ayaa aaminsan in howshani ay tahay mid ay daba ka riixeysa Qaramada Midoobey oo aanay Somalida dowr ku lahayn, taasi oo sabab u ah dib-u-dhacyada ku yimid shirkani. Taasi maxaad ka leedahay?

Mahiga: “Shirarka Road Map-ka dhamaantodd waxay ka dhaceen gudaha dalka, tan kale waxay tahay Somalida markii ugu horreysey ayay ka qeyb-qaateen qorshaha lagu so afjarayo kumeel gaarka. Iyaga ayaa sameystey Road Map-ka, ceebta dadaaladii hore waxay ahayd in Somalida ay ka maqnaayeen meesha. Dadaaladani waxay ka qeyb-qatey dhamaan dhinacyada Somaaliyeed ee ay arrinta khuseysa. Shirkan bilaabanayana dhmanaan dhinacyada Soomaliyeed waa lagu mathalaya”.

LEAVE A REPLY

Please enter your comment!
Please enter your name here