Madaxweynaha Xasan Sh Maxamuud oo Qaabilay Wafdi ka Socda QM Daawo Sawirada

Madaxweynaha cusub ee Soomaaliya Xasan Sheekh Maxmuud ayaa maanta qaabilay wafdi ka socda Qaramada Midoobay.

Wafdiga oo uu hogaaminayey kaaliyaha xoghayaha guud ee Qaramada Midoobay u qaabilsan Soomaaliya Antonym Burneury ayaa kala hadlay madaxweynaha cusub xaalada Soomaaliya iyo sidi ay labada dhinac u hagaajin lahaayeen wada shaqeynta.

Hadal uu siiyey warbaahinta kulankaasi kadib ayuu mas,uulkaan ku sheegay in marka hore uu gudoon siiyey madaxweyne Xasan Sheekh salaan uu uga waday Ban Ki-moon xoghayaha guud ee Qaramada Midoobay.

Sidoo kale wuxuu sheegay inuu u rajeynayo inuu dalka gaarsiiyo horumar isla markaana ay Jimciyada Qurumaha ka dhaxeyso kala shaqeyn doonto sidi ay dowlada cusub u amba qaadi laheyd howlaha horyaala.

Madaxweynaha ayaa lagu wadaa in maalinta birito ah loo caleema saaro xilka madaxweynaha jamhuuriyada federaalka Soomaaliya.

Xafiiska Wararka Midnimo, webmaster@midnimo.com
midnimo12@googlemail.com.

LEAVE A REPLY

Please enter your comment!
Please enter your name here