Lahayste Faransiis ah oo baaq codsi ah u direy madaxweynaha dalka Faransiiska Hollande

Denis Alex oo ah muwaadin u dhashay dalka Faransiiska oo ay haystaan ururka Alshabaab ayaa mar kale codsi u direy madaxweynaha Faransiiska Hollande.

Alex oo ku jirey gacanta ururka Alshabaab illaa iyo sanadkii 2009kii isagoo la qafaashay Hotalka Saxafi ee magaalada Muqdisho ayaa codsigiisa waxaa lagu soo bandhigey mid ka mid ah baraha taageera ururka Alshabaab.

Alex oo cajalad muuqaal ah ka soo muuqday ayaa muddo afar daqiiqo ah waxa uu ka hadlayay codsi uu u jeedinayo madaxweynaha iyo shacabka Faransiiska isagoo sheegay in noloshiisu ay ku xiran tahay iyaga uuna aqoon inta uu sii noolaanayo.

“Waxaan soo duubayaa cajalkaan aan idiin soo dirayo bishan July 2012 oo ah 3 sano kadib markii la I afduubay, islamarkaana aan ka fogahay qoyskeyga, xaaskeyga iyo caruurteyda” ayuu sidoo kale yiri Dennis Alex.

Ururka Alshabaab  ayaa sii deynta ninkaas horay ugu xirtay shuruudo ay ka mid ahaayeen in Faransiisku joojiyo taageerada uu siiyo AMISOM iyo dowladda Soomaaliya, lamana garanayo halka ay ku hayaan ninkan iyadoo la ogyahay in ururka Alshabaab magaaloyinkii ay xarumaha ku lahayd sida Marka iyo Kismaayo ay gacanteeda ka baxeen.

 

LEAVE A REPLY

Please enter your comment!
Please enter your name here