Kofi Anan oo iska casilaya Ergaynimada Siiriya

Qaramada Midoobay ayaa sheegtay in Kofi Anan uu iska casilayo ergaynimada gaarka ah ee QM iyo Jaamacadda Carabta ee arrimaha Syria.

Ban Ki Moon ayaa sheegay inuu ka xun yahay iscasilaadda Kofi Anan.

Hadal uu ka jeediyay magaalada Geneva, waxa uu ku tilmaamay in xaaladda Syria oo isu baddalaysa mid milatari iyo Golaha Ammaanka ee Qaramada Midoobay ay wiiqeen howshii uu waday.

Waxaa uu sheegay in xubnaha Golaha Ammaanka ee Qaramada Midoobay ay faraha isku taagtaagayaan.

Moon wuxuu sheegay in talaabadii diblomaasiyadeed ee lagu doonayay in lagu joojiyo colaadda Syria aan laga faaideysan.
Mucaaradka Syria ayaa iyagoo isticmaallaya taangi weeraray saldhig military oo ciidamada Syria ay ku leeyihiin magaalada Aleppo.

Ciidamada Syria ayaa dib ugu durkay Aleppo iyagoo taangiyo iyo gantaallo ku garaacaya deeggaanka istiraatiijiga ah ee Salaxudin oo ka tirsan Aleppo.

LEAVE A REPLY

Please enter your comment!
Please enter your name here