Ergooyinka ka qeybgalaya shirka Wadatashiga oo xalay Garoowe loogu sameeyey casho sharaf (Sawiro)

Waxaa xalay  magaalada Garowe ee xarunta maamul goboleedka Puntland ka dhacday xaflad casho sharaf aheyd oo loo sameeyey madaxdii iyo mas’uuliyiintii u timid ka qeybgalka shirka Wadatashiga.

Madaxdaasi oo ay ka mid ahaayeen madaxweynaha Dowladda Soomaaliya Mudane Shariif Sh. Axmed, Afhayeenka Baarlamaanka Mudane Shariif Xasan, Ra’iisul Wasaaraha Soomaaliya Dr. iyo hogaamiyasha maamul goboleedyada waxay ku farxeen habka loo soo agaasimay.


Cabdiweli Maxamed Cali Gaas iyo kuxigeenadiisa Mudane Xuseen Carab Ciise, C/wahaab Ugaas Xuseen Ugaas Khaliif, Madaxweynaha maamul goboleedka Galmudug Mudane Maxamed Axmed Caalim, iyo marti sharaftii kale ee isugu jirtay Wasiirada, Xildhibaanada, Bulshada Rayidka, Ahlusunna Waljamaacah, iyo wakiilada beesha caalamka, gaar ahaana UNPOS iyo IGAD.

Xafladan oo aad loo soo agaasimaya ayaa waxaa lagu qabtay xarunta madaxtooyada ee Puntland, waxaana dhanka maaweelada iyo heesaha aad wacdaro uga muujiayay kooxda Waaberi Puntland, iyo Fanaanka Axmed Naaji Sacad oo isagu halkaasi ka qaaday heeso qiiro iyo wadaninimo ku dheehneyd.

Xafladan oo aheyd casho sharaf ayaa waxaa hadalo ka jeediyay madaxweynaha maamulka Puntland Mr. Faroole iyo madaxweynaha dowladda Soomaaliya Mudane Shariif Sh. Axmed waxayna labada mas’uul si isku mid ah rajo wanaagsan uga muujiyeen miro wanaagsan oo ka soo baxa shirka heerkiisu sareeyo ee lagu qabtay Garowe lana filayo in berri la soo gabagabeeyo.

Xafiiska Wararka Midnimo, webmaster@midnimo.com
midnimo12@googlemail.com.