Dowladda Immaaaradka oo Soomaaliya ugu deeqday hal milyan oo doollarkaoo lagu dhisaayo ciidamo

Wasiirka arrimaha dibadda isku tagga imaaraadka carabta Shaikh Cabdullah bin Zayed Al Nahyan ayaa ka sheegay shirka looga hadlaayo burcad-badeeda oo maalintii labaad ka socda Dubaiin ay dowladiisa ay bixineyso 1- million oo dollarka mareekanka taas oo wax lagu caawinaayo in la dhiso ciidamadda badda Soomaaliya iyo kuwa ilaaliya xeebaha Soomaaliya

Dowlada imaaraadka carabta ayaa shirkii labaad oo looga hadlaayo burcad-badeeda Soomaalida ku qabtay dalkeeda kaas oo ay ka qeybgalayaan ilaa 50-dowladood iyo hey’addo caalami ah, kuwaas oo ka arrinsanaya sida xal loogu heli karo kooxaha burcad-badeeda Soomaalida.

Waxas shirka maalintii koobaad lagu soo bandhigay lacagta ay heeleen burcad-badeeda sanadkii hore iyo maraakiibta ay qabsadeen waxana goosbta shirka laga muujiyay in burcad-badeeda Soomaalida ay heleen lacag aad u badan.

Dowladda imaaraadka carabta oo shirka martigalisay ayaa sheegay in afartii sano ee la soo dhaafay ay ku deeqday kaalmada la soonaayo Soomaaliya lacag ka badan 25-milyan oo dollarka Mareekanka, taas oo diirada lagu saaray arrimaha bini’aadinimada gaar ahaan caafimaadka

Sidoo kale shir waxa lagu soo bandhigay in aduun lacag oo gaaraya ilaa 160-milyan oo dollarka mareekanka ay u heleen madaxfurasho kooxaha burcad-badeeda Soomaalida, taas oo ka badan labadii sano ee ka horreeyay 2010 iyo 2009.

Tan iyo 2007-dii ayaa la sheegay 62-badmareen ay ku dhinteen gacanta burcad-badeeda, kuwaas oo u dhintay iyagoo la soo badbaadinaayo ama ay gaajo u dhinteen, sida laga sheegay shirka ka socdaDubai.

 

1 COMMENT

Comments are closed.