Dhagayso: Saalax Badbaado oo ka hadlay sababtii uu isku qarxiyay

saalax
Idaacad ku hadasha afka maleeshiyaadka Shabaab ayaa baahisay in qaraxyadii shalay ka dhacay nawaaxiga garoonka Aadan Cadde uu fuliyay Ex-xildhibaan Saalax Badbaado oo horay uga tirsanaa Baarlamaankii KMG ahaa ee Somalia isagoo u galay maleeshiyaadka Shabaab sanadkii sanadkii 2010-kii

Naftii hallige Saalax Badbaadow ayaa fariinta uu duubay ku sheegay in uu fulinayo weeraradii shalay ka dhacay Muqdisho, isagoo dardaaran u diray maleeshiyaadka Shabaab.

Dhagar qabahan ayaa ugu baaqay Shacabka Soomaaliyeed ee dega gobolada waqooyi ee Somaliland iney taageeraan maleeshiyaadka Shabaab, taasoo muujineysa sida dhagarqabahu ugu fogaaday afkaarta qaldan ee xagjirnimada ah oo ku kaliftay in uu shalay isku qarxiyo dad aan waxba galabsan.

Naftii hallige Saalax Nuux Ismaaciil (Saalax Badbaado) oo ka mid ahaa Baarlamaankii KMG ee dowladii uu madaxweynaha ka ahaa mudane Sheekh Shariif Sh. Axmed ayaa u goostay maleeshiyaadka shabaab sanadkii 2010-ki tan iyo xiligaasna hadalkiisa lama maqal.

LEAVE A REPLY

Please enter your comment!
Please enter your name here