Dagaal shalay ka dhacay Waqooyi Galbeed B/weyne

Dagaal sababay dhimashada 12 qof oo isugu jira dhinacyadii dagaalamayay iyo dad shicib ah, ayaa shalay galab ka dhacay Waqooyi Galbeed ee magaalada B/weyne.

Dagaalkaas ayaa u dhaxeeyay Ciidamada New Police ee doowlad deeganka Soomaalida iyo kooxo ka tirsan Ururka Al-shabaab, wuxuuna ka dhacay deegaano ku teetdsan xadka gobolka Hiiraan uu la wadago ismaamulka Soomaalida.

Dagaalka ayaa sida la sheegay marka hore waxa uu ka dhacay meel 10km u jirta Far-libaax, waxayna sidoo kale 55km u jirta magaalada B/weyne, waxaana lasheegay in Al-shabaab ay halkas ku dileen wiil Arday ah oo 7 sano jir ah,sidoo kalena nin ayay ku dhaawaceen.

Sidoo kale waxaa la sheegay inuu dagaal ka dhacay meel layiraahdo Ceel-cade oo B/weyne 75km u jirta, waxaa la sheegay in ay halkaas ku dagaalameen Ciidamada New Police ee Ismaamulka Soomaalida iyo Al-shabaab, dagaalkas ayaa waxaa ku naf waayay sida ay goob joogayaal xaqiijiyeen 12 ka tirsan Al-shabaab, 5 ruuxna waa looga dhaawacay.

Dagaalka ka dhacay deegaanadaa sida la shegay waxaa sababay kadib markii ay dagaalyahano ka tirsan Al-shabaab ay damceen ineey Sakwaad kasoo aruuriyaan deegaanada ku xeeran xadka Ethiopia iyo Soomaaliya.

 

Xafiiska Wararka Midnimo, webmaster@midnimo.com

midnimo12@googlemail.com