Ciidamada Jabuti oo la wareegay amaanka Baladweyne

Ciidamada Jabuuti ee ka tirsan kuwa AMISOM ayaa maanta la wareegay amaanka qeybo ka mid ah magaalada Baladweyne.

Ciidamadaan oo gaaraya boqolaal askari waxa maanta ay la wareegeen amaanka xaafada H/wadaag waxaana halkaasi ay kala wareegeen ciidamada Itoobiya oo wali ku garsan saldhigyo muhiim ah oo ka tirsan Baladweyne.

Ma jirin wax munaasabad ah oo loo sameeyey kala wareejinta labada ciidan maadaama arrintu ay aheyd mid milatari.

Ciidamada Itoobiya ayaa sii joogi doono ilaa askarta Jabuuti ay si tartiib tartiib ah ula wareegayaan amaanka sida uu sheegay sarkaal ka tirsan maamulka gobolka Hiiraan.

Jabuuti ayaa u xilsaaran amaanka Baladweyne kadib marki ay AMISOM kala qeybsadeen deegaanada kala duwan ee dalka Soomaaliya oo ay u kala qeybsadeen afar Zone.

LEAVE A REPLY

Please enter your comment!
Please enter your name here