Ciidamada Doowlada & Kuwa AMISOM oo maanta helay dugsi ay Al-shabaab ilmo yaryar ku haysteen(Sawiro)

Ciidamada doowlada iyo kuwa AMISOM ayaa maanta gudaha ugalay Dugsi loo soo farmuqay, oo ku yaala xaafadda Waxar Cadde ee degmada Huriwaa kaas oo lagu sheegay in ay gacanta ku hayaan kooxa Al-Shabaab.

Markii ay ciidamada gudaha ugaleen dugsigan ayay lakulmeen muuqaalo lala yaabo iyadoo dhamaan ardayda kusugnayd dugsigaas ay ahaayen kuwo lugaha ka katiineeysan, intaas kadibna ciidamada ayaa amray in laga fur furo silsiladaha oodana laga qaado.

Macallinkii dugsiga ay ciidamadu su`aalo weydiiyeen ayaa iska fogeeyay eedeymaha ah in dugsigu Al-Shabaab leeyihiin, waxaana mar uu ka jawaabayay waxa ardayda ka wada xir-xiray luga uu ku sheegay in ay dugsiga u gooyaan oo aysan soo xaadirin.

Waa markii ugu horeesay ay ciidamada Doowlada iyo kuwa AMISOM ay helaan dugsi nuucaan oo kale ah waxaana xusid mudan in Al-shabaab ay caruurta yaryar u adeegsadaan dagaalada iyo isqarxinta, iyagoo ka dhaadhacsiiya ineey galayaan jannada.

Xafiiska Wararka Midnimo, webmaster@midnimo.com
midnimo12@googlemail.com.

LEAVE A REPLY

Please enter your comment!
Please enter your name here