Booliska Wadanka Norway Oo Baaritaan Ku Haya Gabar 8 Jir Somali Ah Oo Dhawaan La Kufsaday

Booliska dalka norway ayaa baaritaano culus ku haya  gabar yar sideed jir somali ah oo dhawaan lagu kufsaday xaafada toyen ee Caasimad Oslo,

gabadhan sideed jirka ayaa falkaas  lagula  kacay Xili ay ka soo  timid school ay dhiganaysay waxaana lagu xaraystay guri aan sidaa uga sii fogayn iskuulkeeda,

Hooyada dhashay gabadhan yarta ah ayaa sheegtay in ay ka war heshay in gabdheedii yarayd lagu xaraystay guri  u dhaw  iskuulka ay dhiganaysay  isla markiina  ay  si deg deg ah u aaday  meeshii  kadibna ay aragtay gabadheedii oo   ka soo baxaysa guri  xaaladeedana aysan wanaagsanayn  waxayna  isla markiiba wargalisay xarunta boliska degmadaas  ,

Waxaan isla mar ahaantii soo gaaray meesha uu falku ka dhacay  askarta boliska iyadoo ay baaritaan ka sameeyeen guriga la rumaysan yahay in gabadha yarta ah lala galay ,

Xaalada caafimaad Ee gabadha ayaa hada  lagu dabiibayaa  isbitaal ku yaala magaalada oslo  walina laguma guulaysan in gacanta lagu soo dhigo  cidii rasmiyan ka danbaysay falkaas waloow ay jiraan tuhuno  iyo baaritaan  Wali ku socda guriga uu falkaas ka dhacay,

Dhacdadan foosha xun ayaa waxaa si aad ah uga xumaaday  waalidiint somaaliyeed  ee  iyaku ubadkooda iskuulada u dhigtaan ,

Xafiiska Wararka Midnimo, webmaster@midnimo.com
midnimo12@googlemail.com.

LEAVE A REPLY

Please enter your comment!
Please enter your name here