Al shabaab oo ka Warbixiyey Nin Shalay ay Ku Dileen Magaalada Jowhar (Muxuu ahaa ninkaas?)

Saraakiisha ciidamada xisbada ee Al shabaab ee magaalada jowhar ayaa ka warbixiyey nin ay ku sheegeen inuu ahaa burcad oo meydkiisa shalay lasoo dhigay busteejada tagaasida magaalada Jowhar.

Dad ku dhaqan Jowhar ayaa sheegay in ninka la dilay uu ahaa mid ka mid ahaa dadka sida weyn looga yaqaan Jowhar kaasi oo shabaabkuna ku sheegeen inuu ahaa qaadacu dariiq wadada gali jiray.

“Alle ayaa ku mahadsan inan ku guuleysanay mid ka mid ahaa howlgalo aan sameynay oo lagu dilay mid ka mid ahaa burcad wadada shacabka ugeli jirtay sidaa waxa sheegay sargaal xisbada shabaab katirsan”.

Saacado kadib ayaa laga qaaday meydka ninkaasi agagaarka Busteejada tagaasida Jowhar waxaana dad badan ay sheegeen in ciidamadu ahaayeen kuwo gaaf wareegayey goobta meydka uu yaallay.

Al shabaab saraakiil uhadashay waxay sheegeeninay sii wadi doonaan la dagaalanka kooxaha burcada wadada gasha taasi oo looga goleeyahay sidii nabad ay ugu noolaan lahaayeen shacabka jowhar ku dhaqan.

Xarunta gobolka Sh/dhexe waxaa muddo seddex sano ah ka talinaya maamul hoostaga ururka Alshabaab waxaana shacabka halkaasi ku dhaqan ay yihiin kuwo udhago nugul awaamiir walbo oo kasoo baxda al shabaab.

Xafiiska Wararka Midnimo, webmaster@midnimo.com
midnimo12@googlemail.com.