Goorma ayey somaliya hoggaamineysaa shirarka jaamacadda carabta?

Wasiiru Dowlaha Wasaaradda Arrimaha Dibadda Xukuumadda Soomaaliya Cabdulqaadir Axmed Kheyr ayaa sheegay in bartamaha Bisha soo socota ee December Soomaaliya loo qaban doono shir lagu taageerayo.

Kheyr ayaa sheegay in shirkaas diiradda lagu saari doono cafinta Deemaha iyo taakuleynta Soomaaliya.

Waxa uu intaa ku daray in ay barbar socdaan Sameynta Yabooha Waxbarashada iyo Dib u dhiska Dalka oo kaalin fir-fircoon uu ka qaadan doono Ururka Jaamacadda Carabta.

Bilawga 2019-ka ayuu sheegay in si rasmi ah Soomaaliya ay u martigelin doono Shirka Jaamacadda Carabta oo ugu horeeyo kan Wasiirada Arrimaha Dibadda ururka.

Faaiidooyinka Soomaaliya ugu jirto waxa uu ku tilmaamay in ay kamid yihiin in Caalamka ay arkaan soo laabashada Soomaaliya, Marti gelinta shirar kale iyo kuwo kale.

Mudada lixda bil ah ee Soomaaliya hogaanka u heyn doonto Shirarka Jaamacadda Carabta waxa uu ku sheegay in ay tahay inta u dhaxeyso Bilaha March illaa September 2019.

Soomaaliya ayaa kasoo kabaneysa Bur-burkii dalka uu galay sanadii 1991-kii, waxaana dib usoo laabanaya marti-gelinta shirarka Ururada ay ku jirto ama Xubnaha ay ka tahay.

Share Your Comments

This site uses Akismet to reduce spam. Learn how your comment data is processed.