Khasaare ka dhashay Ciidamada dowladda iyo Al-shabab oo ku dagaallamay Hiiraan

Ugu yaraan 5 Qof ayaa ku geeriyootay halka kuwo kale ay ku dhaawacmeen kaddib dagaal ka dhacay Gobolka Hiiraan.

Taliyaha Ciidamada Dowladda ee Gobolka Hiiraan Jen. Tareedisho ayaa sheegay in weerar gaadmo ah oo lagu qaaday kolonyo ka tirsan Ciidamada dowladda iyo AMISOM ay ku dhinteen shan ka mid ah Al-shabaab.

Waxaa uu sheegay in inta badan weerarka uu u badnaa Miinooyin jidka la geliyay iyo weerar sida uu sheegay aad u yaraa.

Dhinaca Ciidamada dowladda ayuu ka gaabsaday in uu sheego khasaaraha ka soo gaaray,hayeeshee waxaa uu sheegay in xitaa haddii ay Askar ka dhinteenna ay yihiin kuwo shahiiday.

Al-shabaab ayaa dhinaceeda sheegtay in Ciidamo ka tirsan Maamulka Hirshabeelle ay ku weerartay Tuulada Oronto lagu magacaabo.

Ma sheegin khasaaraha ka dhashay weerarkaas oo ay sheegeen in uu dhimasho iyo dhaawac ka gaaray Ciidamada dowladda Federaalka ah.

Share Your Comments

This site uses Akismet to reduce spam. Learn how your comment data is processed.