Muxuu Xasan Sheikh ka Yiri Khilaafka Dowladda & Maamulada ?

225

Madaxweynihii hore ee Soomaaliya Xasan Sheekh Maxamuud oo ku sugan magaalada London ee dalka Ingiriiska ayaa ka hadlay xaalada siyaasadeed ee xilligan uu marayo dalka.

Xasan Sheekh ayaa soo hadal qaaday khilaafka xoogan ee xilligan u dhaxeeya dowladda federaalka iyo maamul goboleedyada dalka ka jira, kaasi oo labadii bilood ee la soo dhaafay ka taagnaa dalka.

Wuxuu sheegay in khilaafka uu sabab u yahay culeys badan oo la saaray maamul goboleedyada, maadaama dowladda ay faraha kula jirto hawlaha gaarka ah ee maamul goboleedyada ay qabsanayaan.

Wuxuu sheegay hadii la doonayo in arrintan xiisadeeda la dejiyo inay muhiim tahay in maamul goboleedyada loo madax banaaneeyo shaqooyinkooda, islamarkaana la siiyo fursad.

“Qofka xarunta jooga hadii uu rabo inuu wax walba Kontoroolo uma suuragaleyso, waa inaan aqbalnaa ilaa xad inay mas’uul yihiin, laakiin hadii aan dhahno dalka uma naxayaan ma shaqeyneyso, waxaan qabaa nimankaas in furad la siiyo, mudadii aan joogay dal dibadiisa uma dacwoon, waan wada shaqeynay”. ayuu yiri Xasan Sheekh.

Dowladda federaalka Soomaaliya ayaa wajaheysa marxalado siyaasadeed oo aad u xoogan oo kala dhaxeeya maamulada Puntland, Jubbaland, Galmudug iyo Koonfur Galbeed, keliya dowladdu waxay heshiis la tahay Hirshabeelle.

Madaxweynihii hore ee Soomaaliya Xasan Sheikh Maxamuud

Share Your Comments

This site uses Akismet to reduce spam. Learn how your comment data is processed.