Dowladda oo war Yaab kasoo saartay Dhawaqa Madaafiic xalay laga maqlay Muqdishi

275

Wasiirka amniga xukuumadda federaalka Soomaaliya Maxamed Abuukar Islow (Ducaalle) ayaa sheegay dhawaqyadii xalay laga maqlay magaalada Muqdisho in ay ahaayeen baco lagu shubay baaruuda qaraxda, oo ah kuwa macmal ah.

Dadka reer Muqdisho ayaa xalay si wayn u maqlay dhawaqyada wax u eg madaafiic oo magaalada ku soo dhacay, degmooyinka Hodan, Hawlwadaag, Xamar Weyne, Xamar Jajab iyo Boondheere ayaa la sheegay inay madaafiicda ku dhaceen.

Wasiir Islow ayaa sheegay goobaha laga maqlay dhawaqyadaasi in ay u direen Hay’adaha ammaanka, oo aysan jirin qof wax ku noqotay, wuxuuna tilmaamay in ujeedada ay aheyd in shacabka Soomaaliyeed aysan cibaadaysan oo aysan Tukan Salaada Taraawiixda.

Ciidanka ammaanka ayaa heegan buuxa la geliyay bishan Ramadaan oo xalay bilaabatay, maadaama laga cabsi qabo in Shabaab ay magaalada gudaheeda ka geystaan weeraro.

Jahwareer ayaa ka taagan Magaalada gudaheeda iyo cabsi xooggan oo ay dareemayaan dadka magaalada ku nool, waxaana dadka qaar ay xalay ku xaadireen guryahooda goor sii horeysay.

Dadka reer Muqdisho ayaa qaba fikirka ah in Shabaab ay kordhiyaan weerarada ay geystaan bisha barakeysan ee Ramadaan, iyada oo dowladda Soomaaliya ay sheegtay in ay diyaarisay ciidamo ka shaqeeya ammaanka inta lagu guda jiro bisha Ramadaan.

Islow, Internal Security Minister

Share Your Comments

This site uses Akismet to reduce spam. Learn how your comment data is processed.