Somalia :C/raxman Faroole oo iska casilay xil uu ka hayay baarlamaanka labada aqal

Madaxweynihii hore ee Puntland C/raxmaan Maxamed Faroole ayaa iska casilay xilka xubinimada guddiga dastuurka baarlamaanka labada aqal ee dalka.

C/raxmaan Faroole oo xubin ka ahaa guddiga dastuurka baarlamaanka ee labada aqal ayaa wuxuu isku dayay inuu noqdaa guddoomiyaha guddigaasi balse waxaa ka guuleystay C/Qeybdiid.

Xildhibaanada aqalka sare ayaa maanta kulan ay yeesheen waxaa laga aqriyay warqad uu soo qoray C/raxmaan Faroole oo aheyd in laga aqbalo iska casilidda xilka xubinnimada guddiga dastuurka labada aqal.

Guddoomiyaha xildhibaanada aqalka sare C/Xaashi Cabdullaahi ayaa sheegay in la buuxin doono booska uu baneeyay C/raxmaan faroole, waxaana iska soo dooran doono xildhibaanada aqalka sare.

C/raxmaan Faroole ayaa todobaadkii hore waxaa looga guuleystay guddoonka guddiga dastuurka, waxaana uu helay codad gaaraya 4 halka Cabdi Qeybdiid uu helay 6 cod, maadaama xubnaha guddigaasi ay ka kooban yihiin 10 oo kala matalaya labada aqal ee baarlamaanka.

Share Your Comments

This site uses Akismet to reduce spam. Learn how your comment data is processed.