Muqdisho: Baarlamanka oo ka dooday Heshiiska Berbera-Dhagayso

27
Baarlamaanka cusub
Baarlamaanka cusub

Baarlamanka Soomaaliya ayaa maanta kullan ka yeeshay arrinta muranka badan dhalisay ee saldhigga milatari ee Imaaraadka Carabta ay ka dhisayaan magaalada Berbera.

Doodda ka dib ayaa xildhibaanada waxey dowladda ku wareejiyeen mooshinkii laga keenay saldhigga si ay faahfaahin uga bixiso eedaha ku qoran.

Tan iyo markii Guddoonka Baarlamaanka loo gudbiyay mooshinkan, waxaa hoos loo dhigay heerka uu gaarsiisnaa mooshinkaas, iyadoo kulamadii u dambeeyay Baarlamaanka uu yeeshay uu mooshinkan ka ahaa ajandaha labaad ee shirka.

Markii Mooshankaas Xubnaha Baarlamaanka loo qeybiyay ayaa Safiirka Imaaraadka Carabta u fadhiya Soomaaliya si deg deg ah ula kulmay Madaxweynaha Soomaaliya Maxamed C/llaahi Farmaajo, Ra’iisal Wasaaraha Xasan Cali Kheyre iyo Afhayeenka Baarlamaanka Maxamed Sheekh Cusmaan Jawaari.

Waxaa intaas xigtay Farmaajo oo si deg deg ah ku tagay Imaaraadka Carabta, isla markaana isagoo qanacsan ku soo laabtay Muqdisho.

Madaxweynaha ayaa wali ka hadlin waxyaabaha uu kula soo kulmay Imaaraadka, kama hadlin saldhiga Berbera ee uu cabashadeeda horay ugu gudbiyay Sacuudiga iyo waxyaabihii ay ka wada hadleen Mas’uuliyiinta Imaaraadka

Aamusnaanta Madaxweynaha ayay dad badan shaki gelinayaan inuu jiro wax u eg is faham laga gaaray Saldhiga Imaaraadka Carabta ka dhisanayo Berbera.

Comments